Shari Shari - 令人上癮的日式刨冰

牛油果刨冰 － Avocado Milk
(Avocado cream syrup, milk syrup, cookies)
牛油果糖漿保留咗本身清新香味。另外即使刨冰面鋪上牛油果醬都唔會過甜，同日本做法8-9成相似。值得一讚！另外刨冰底層有消化餅做餡，令整個食用過程都唔會好單調。



南瓜刨冰 - Hokkaido Ebisu Pumpkin
(Pumpkin Syrup, caramel syrup, milk syrup, cookie, pumpkin seeds)
以北海道惠比壽南瓜入饌，即使凍食都有淡淡南瓜味傳出。食落有平時食南瓜果種粉粉綿綿嘅感覺。刨冰面頭都有幾粒烤香咗嘅南瓜籽，食落仲好夾好有驚喜！大推啊！



士多啤梨刨冰 - Strawberry Special
(Strawberry Milk Syrup, wippwd cream, fresh strawberry)
呢款刨冰個人嚟講就無咁中意啦。因為士多啤梨醬中並無加入果肉，食落只有乳酪同果醬間酸甜，無左真實果肉果種驚喜，有少少失望啦。



朱古力香蕉刨冰 - Chocolate Banana（季節限定）
呢間刨冰店定期都會推出唔同嘅自創口味，今次同朋友試到嘅就係女生最愛：朱古力香蕉。除左眼見面層有幾粒香蕉之外，刨冰內都帶朱古力香蕉醬。同新鮮香蕉打成，令成個刨冰貫徹同一個口味同質感。如果下次大家入去再見到記得話我知噢！

日式刨冰店Shari Shari Kakigori House 氷屋於2015年11月開業。由日藉老闆主理，售賣一系列創意日式刨冰，每星期都會推出新一款季節限定嘅刨冰，老闆更希望可以將北海道刨冰滋味帶到香港。

Shari Shari
地址：銅鑼灣希雲街14號
電話：2529 1223
開放時間：12:00-22:30
Instagram : sharishari_hk

猛龍過江－J Co. Donut

Heaven Berry （右）
打卡必備嘅Heaven Berry入面有滿滿嘅士多啤梨忌廉，微酸令整個donut都充滿住少女氛圍女士最愛！

Oreology         （左）
呢款oreo口味嘅donut入面無餡，所以食落無咁甜都無咁容易覺得膩，有別於其他donut。脆脆嘅oreo碎鋪喺面，真係會令人愛不釋手，一口接一口啊！

Why Nut          （後）

Why Nut 入面有滿滿嘅牛油花生醬，表面鋪上黑白朱古力，第一啖咬入口已有花生餡充滿整個口腔。呢個時候最好配上熱騰騰嘅美式咖啡中和甜膩感。

Mr. Green Tea       （左）
帶有淡淡綠茶味加上面層鋪上脆身杏仁，配上一杯凍 Jcoccino 就最好不過。

Berry Spears           （右）
如果您係忌廉迷就一定會中意呢款重忌廉既donuts。酸味全黎自面層嘅莓醬，加上餡內面嘅酸忌廉令人一試難忘啊！

Earl Grey                 （後）
伯爵茶味道充滿整個口腔，呢個時候當時要配上一杯熱綠茶。解膩之餘又唔會搶去donut伯爵茶嘅味道。




J Co 源於印尼，後嚟因為大受歡迎而傳到馬來西亞，菲律賓，泰國以至新加坡。而係2016年12月終於都喺灣仔設立首間分店。J Co 主打Donut配咖啡－ 飲食文化到香港，而每種Donut 都會被建議配上唔同飲品。所以大家行過不妨入去望下有無一款配搭啱您嘅口味？

J Co. Donuts & Coffee
地址：灣仔軒尼詩道55號地下1及2號舖
電話：6982 8282
開放時間：星期一至日: 08:00-21:00

－－－Donuts 小教室－－－

Donut 有幾多種呢？大家可能唔知道其實Donut主要分三個種類：

1.）炸donut : 最好食一定係即叫即炸，以最簡單方法食用，例如配上砂糖或點上濃郁朱古力醬。果種外脆內軟，或者半溶朱古力質感最令人難忘。

2.）焗donut: 以J Co Donut 為例，佢地就屬於較健康嘅做法，以焗代替炸。可以做出嘅變化較多。質感主環追求果種輕身，甜而不膩，可以一個接一個嘅感覺。

3.）Cronut: 其實呢款donut係以croissant同donut合拼而成，以croissant牛油皮做成donut形狀，雪凍後加上唔同口味嘅餡同糖霜。冷藏後依然整個cronut保存脆身感覺，相當過癮。呢款donut喺早前Petite Amanda (已關）有售，而且屬高質素cronut，可惜最後無再經營。

家鄉法式小酒館 - Effiel Bistro

吞拿魚他他（Tunar Tarttare)
由新鮮吞拿魚肉切碎再加上 fusion 秘製法式芫荽醬汁，醬汁的微酸令整個菜色生色不小。肉質鮮甜，加上火箭菜獨特既味道更令整個感覺昇華。如果大家未必接受到生牛肉，可以由吞拿魚著手，嘗試下法式巴黎小酒館。




香煎吞拿魚 (Seared Tuna Steak)
羽衣甘藍，捲心菜加上煙肉作為配料。吞拿魚肉質軟滑，加上配菜脆身質地令整個菜式層次有所提昂。芝麻點綴令香煎舌拿魚加上多一點點回味。




蘑菇意大利雲吞 (Ravioli de Royans)
每粒雲吞均由大廚每日人手製作，由麵皮至肉餡的靈感通通源自於創辦人祖母自製食譜。充滿家的味道。淡淡香芹味道加上蒜香減去芝士及忌廉帶來的肥膩感。




傳統法式蘋果批 (Tart Tatin)
創作靈感全自於一個意外，當時由於廚師一個意外把傳統蘋果批倒轉製作竟然做出一個令人驚喜的口感。雪糕內充滿著雲尼拿籽，軟滑口感加上蘋果肉粒及焦糖漿為晚餐畫上圓滿句號。



Eiffel Bistro 於2016年6月開業設立於太古，提供一個給三五知己聚會及放鬆的法式小酒館。當中有開放式廚房加上餐廳內有標誌性的艾菲爾鐵塔藝術品都反映了典型巴黎小酒館風格。


Eiffel Bistro
太古太古城太裕路3號建安閣地下G514號鋪
2446 1598
星期一至日：11:00-22:30