法式甜品知多少？

今時今日作為嚐甜者已經唔係只係女仔既專利，男男女女都對甜品有著唔同喜好。但係有時候有無遇過想叫甜品但係又諗唔起名既尷尬情況呢？今次小編就為大家介紹5款法式經典甜品啦！

其實法式甜品除左為人熟悉0既馬卡龍（Macaron）同焦糖燉蛋 （Cream Bulree )之外呢，其實仲有好多甜品做下午茶或者放鬆時候食一流嫁！今次就為大家帶黎 5 款港人最愛既法式甜品！

1.) Macaroon /Macaron 馬卡龍

圖片來源：Pierre Herme 

馬卡龍（Macaroon ) 最初其實係源自於義大利修道院，有位修女為左搵菜式代替葷食而用杏仁粉製作最初版本o既馬卡龍。當初馬卡龍o既口感較硬、脆同乾身。後來到二十世紀初有一位法國甜品師將僗改良為外脆，內部帶濕潤、柔軟而略帶黏性。其實macaroon 係英式串法，而macaron 即法式串法，所以以後唔好亂取笑人地串錯字啦！

2.) Mille- Feuille 法式千層酥

圖片來源：Via Tokyo @ Open rice

法式千層酥 （Mille -feuille ) 係一種法國起源既蛋漿甜品，通常中間都會夾住雲呢拿Cream 同吉士醬再疊成塔狀甜品。以小編o既角度，好食o既千層酥應該係乾濕層次分明，唔會因為放得耐而淋哂。

3.)Eclair 法式長泡芙

圖片來源：L' Eclair De Genie

法式長泡芙 （Eclair) 係源自法國19 世紀一位甜品師 Antonin Careme (1784-1833) 。 通常Eclair 都會有雲呢拿，咖啡或者朱古力涵同泡芙面會鋪上一層糖霜裝飾。當然，隨住時代轉變而家已經多左好多唔同味道啦！

4.) Saint Honore 泡芙蛋糕

圖片來源：Angelina Paris 

 泡芙蛋糕 （Saint Honore ) 呢個名係源於同名甜品師Saint Honore 而立。傳統上，甜唔師會製造好多小型泡芙 ，再沾滿焦糖等耐焦糖面冷卻再將三至五粒泡芙放係塊餅底上面再加Cream 做最後鞏固。所以食果陣應該係粒粒都精緻外脆內軟, 無論外型定味道都吸引到唔少嗜甜者！

5.) Mont-Blanc 蒙布朗

圖片來源：Passion y Gerard Dubois 

蒙布朗（Mont Blanc ) 係取名源自外型似被雪覆蓋o既山所以得以呢個名。其實Mont Blanc 無論係法國、日本、香港 同義大利都好受歡迎！通常都係主要以忌廉做涵外加上條型栗子醬係面，岩哂中意食栗子既你同我啊！